6-cı mikrorayon sakinlərini narazı salan budama işləri ilə bağlı açıqlama verilib.
Sumqayıt Şəhər İcra Hakimiyyətindən (ŞİH) Sumqayit24.az-a bildirilib ki, şəhər ərazisində ağacların budanması ekoloji tələblərə və müvafiq qaydalara uyğun olaraq həyata keçirilir:
“Şəhər ərazisində budama prosesi ağacların sağlamlığını qorumaq, onların daha səmərəli inkişafını təmin etmək, həmçinin təhlükəsizlik məqsədilə aparılır”.
Qeyd edək ki, bina 17-nin önündə çox sayda sağlam ağac səbəbsiz yerə kəsilib. Həmin ağacların üzərində tumurcuqlar da yetişmişdi. Onlar hər il çiçək açırdı, tut ağacı isə bar verirdi.
