Sumqayıtda qəbul imtahanları keçirilib. Sumqayıt24 bu haqda 8 iyul tarixində xəbər verir.
İmtahanlar II və III ixtisas qrupları (o cümlədən I ixtisas qrupu üzrə RK və Rİ altqruplarının hər ikisini seçənlər üçün informatika fənni) üzrə təşkil olunub.
Prosesin idarəsi üçün Dövlət İmtahan Mərkəzində (DİM) operativ qərargah fəaliyyət göstərib, müntəzəm olaraq imtahanın keçirildiyi binalarla əlaqə saxlanılıb və gedişat nəzarətdə olub.
Bu gün, 8 iyul tarixindən etibarən imtahan protokolları və materialların emalına başlanılacaq.
Qeyd edək ki, açıq tipli tapşırıqların yoxlanılması vaxt tələb etdiyindən nəticələr iki həftədən sonra elan olunacaq.
