Sumqayıtda mikrorayonlardan birində su borusunda yaranan nasazlıq narahatlıq doğurur.
Bu barədə Sumqayit24.az-a yerli sakinlər məlumat veriblər.
Onların sözlərinə görə, 17-ci mikrorayonda, 30 saylı binanın yaxınlığındakı su borusunda nasazlıq yaranıb və təxminən 1 ilə yaxındır su sızır.
"Su boşuna israf olunur, bundan əlavə ərazidə antisanitar vəziyyət yaranır. Hətta bunun nəticəsində qurbağalar belə əmələ gəlib. Məsələ ilə bağlı aidiyyəti qurumun əməkdaşları əraziyə baxış keçirsələr də, problem indiyədək həll edilməyib", - deyə sakinlər bildiriblər.
Vətəndaşlar aidiyyəti qurumlardan əraziyə yenidən baxış keçirilməsini və problemin qısa zamanda aradan qaldırılmasını tələb edirlər.
