Bu gün, oxucularımıza keçmiş şagirdləri ilə birlikdə Vətən müharibəsində vuruşan sumqayıtlı müəllim-hərbçi Məhərrəm Abbasov barədə məlumat verəcəyik. Sumqayıt24 onun haqda Bakı Şəhəri üzrə Təhsil İdarəsinin Facebook səhifəsinə istinadən yazır.
Məhərrəm Abbasov 1976-cı ildə anadan olub. O, 1-ci sinfə Sumqayıt şəhəri 12 nömrəli tam orta məktəbdə gedib. 1989-cu ildən C. Naxçıvanski adına Hərbi Liseydə, 1992-1996-cı illərdə isə H. Əliyev adına Azərbaycan Ali Hərbi Məktəbində təhsil alıb.
Abbasov, hərbçi olduğu müddətdə bir çox Fəxri fərmanlara layiq görülüb.
O, müəllimlik karyerasına Sumqayıt Dövlət Universitetində başlayıb, 2019-cu ildən isə paytaxtda 58 nömrəli tam orta məktəbdə “Gənclərin çağırışaqədərki hazırlığı” rəhbəri vəzifəsində çalışır.
Məhərrəm Abbasov Qarabağda yetirmələri ilə çiyin-çiyinə mübarizə aparmaqdan qürur duyduğunu hər zaman vurğulayır.
Foto Baku.edu.gov.az
