Sumqayıtda şəhid anası ziyarət edilib. Bu barədə 4 oktyabr tarixində Regional Mədəniyyət İdarəsinə istinadən xəbər veririk.
“Zəfər tariximizin izi ilə” layihəsi çərçivəsində Mərkəzi Uşaq Kitabxanasının əməkdaşları və 12 nömrəli tam orta məktəbin şagirdləri şəhid İzzət Həmidovun ailəsini ziyarət ediblər. Görüşdə şəhidin xatirəsi yad edilib, barəsində xoş təəssüratlar danışılıb. Ziyarət zamanı şəhidin anası Vəfa İsmayılova oğlu ilə bağlı acılı, şirinli xatirələrdən və keçdiyi döyüş yolundan söz açıb, şagirdlərin çoxsaylı suallarını cavablandırıb.
İzzət ölümündən sonra "Bayraq ordeni", "Vətən uğrunda", "Füzulinin azad olunması uğrunda" medalları ilə təltif edilib.
