Sumqayıtda qanunsuz küçə ticarətinin qarşısının alınması istiqamətində tədbirlər həyata keçirilib.
Sumqayit24.az xəbər verir ki, İcra Hakimiyyətinin və aidiyyəti qurumların əməkdaşlarının iştirakı ilə keçirilən reyd zamanı şəhərin müxtəlif ərazilərində piyada hərəkətinə maneə törədən, sanitar-gigiyenik tələblərə cavab verməyən və icazəsiz fəaliyyət göstərən ticarət obyektləri müəyyən olunub.
Satıcılara qanunvericiliyin tələbləri izah edilib, xəbərdarlıqlar olunub və onlara alternativ ticarət məkanlarından istifadə etmələri tövsiyə edilib.
Qeyd edək ki, şəhərdə küçə ticarəti ilə bağlı nəzarət tədbirləri mütəmadi olaraq davam etdirilir.
