Sumqayıtda “Sağlam Düşüncə” Gənclər Təşkilatının layihəsi çərçivəsində təlim proqramı keçiriləcək. Bu haqda 8 iyul tarixində Sumqayıt24 xəbər verir.
Təlim 23-25 iyul tarixlərində saat 11:00-dan 18:00-a kimi davam edəcək. Seminar liderlik, qeyri-zorakı ünsiyyət, media savadlılığı, müxtəliflik və inklüzivlik kimi mövzuları əhatə edəcək.
İştirak etmək istəyənlər iyulun 13-dək https://forms.gle/hM2ZwCLZRKqEfpJC7 linki vasitəsilə qeydiyyatdan keçə bilərlər.
İştirakçılara icma problemləri və gənc lider kimi onların öhdəsindən gəlməyin yolları barədə məlumat veriləcək. Təlim Azərbaycan dilində təşkil olunacaq.
