Sumqayıtda məktəblilər üçün Fövqəladə hallara hazırlıq təlimi keçirilib.
Sumqayit24.az xəbər verir ki, təlim Y. Məmmədəliyev adına 31 nömrəli məktəbdə baş tutub. Fövqəladə Hallar Nazirliyinin (FHN) Sumqayıt Regional Mərkəzinin əməkdaşları tərəfindən məktəb kollektivi və şagirdlər üçün “Fövqəladə hallar zamanı davranış qaydaları” mövzusunda nəzəri və praktiki seminarlar təşkil olunub.
Təlimin praktiki hissəsində şagirdlər real vəziyyətlərdə təhlükəsiz davranış qaydalarını tətbiq edərək müxtəlif fövqəladə hallara qarşı hazırlıqlarını sınayıblar. Belə tədbirlər məktəblilərin həyati bacarıqlarını artırmaqla yanaşı, onların təhlükəsizliyini təmin etmək baxımından da mühüm əhəmiyyət kəsb edir.
