Sumqayıtda doqquzmərtəbəli yaşayış binasında yanğın olub. Sumqayıt24 bu haqda 1 iyun tarixində Fövqəladə Hallar Nazirliyinə (FHN) istinadən xəbər verir.
Hadisə 1-ci mərtəbədə, ümumi sahəsi 46 kv.m olan 2 otaqlı mənzildə baş verib. Nəticədə 1 otaqda yataq dəsti və paltar dolabı 8 kv.m sahədə yanıb. 9 nəfər bina sakini FHN-in əməkdaşları tərəfindən təxliyə edilib.
Alovun qarşısı alınıb. Mənzilin qalan hissəsi mühafizə olunub.
