Sumqayıtda məktəbin önündəki piyada keçidində maraqlı addım atılıb.
Sumqayit24.az-a daxil olan məlumata görə, 12 nömrəli məktəbin qarşısında piyada zolağında yenilənmə işləri həyata keçirilib.
Bundan əlavə, sözügedən ərazidə termoplastik yol boyası ilə “Məktəb – Yavaş” yazısı yolun üzərində yazılıb.
Təşəbbüsün əsas məqsədi məktəb ətrafında hərəkət edən sürücülərin daha diqqətli olmalarını təmin etmək, uşaqların yola çıxarkən təhlükəsizliyini artırmaqdır.
Qeyd edək ki, bu cür proseslərin davamlı olması gözlənilir.
