Sumqayıtda “Mən şirin ləhcəli bir bülbüləm ki...” adlı ədəbi-bədii gecə keçirilib. Bu haqda 7 iyun tarixində Sumqayıt24 Regional Mədəniyyət İdarəsinə istinadən xəbər verir.
Şair Mikayıl Müşfiqin 115 illiyinə həsr olunan tədbir N.Nərimanov adına Mədəniyyət Mərkəzində təşkil olunub. Tədbirin aparıcıları Əminəxatun Tərlan və Adil Səfərov şairin şeirindən hazırlanan kompozisiya ilə səhnəyə daxil olublar.
Gecədə Özbəkistan Respublikasından qonaq gələn şairlər, Əməkdar müəllim, “Şöhrət” ordenli şairə Ofelya Babayeva M.Müşfiqin yaradıcılığı haqqında çıxış ediblər.
Mədəniyyət Mərkəzinin foyesində S.Vurğun adına Mərkəzi Kitabxananın əməkdaşları tədbir iştirakçılarına şairin yaradıcılığını daha yaxından tanıtmaq məqsədilə kitablarından ibarət sərgi təşkil ediblər.
