Müsahibədə yüksək bal toplayaraq təyinat alan din xadimləri ilə görüş keçirilib. Sumqayıt24 bu barədə Dini Qurumlarla İş üzrə Dövlət Komitəsinə istinadən xəbər verir.
İclasda Novxanı qəsəbəsi, “Həmzə” məscidinin yeni imamı Nazim Bağırov da iştirak edib. Çıxış edən komitə sədri Mübariz Qurbanlı ölkədəki dini durumdan, dövlət-din münasibətlərinin yüksək səviyyəsindən, dini dəyərlərə və din xadimlərinə qayğıdan bəhs edib.
Daha sonra söz sədrin birinci müavini Səyyad Salahlı, digər müavinləri Sahib Nağıyev və Gündüz İsmayılova verilib. Onlar din xadimlərinə tövsiyələrini çatdırıblar.
Sonda iştirakçıların fikir və təklifləri dinlənilib.
