Sumqayıt sakinləri paytaxta getmək üçün niyə avtovağzala üz tutmurlar. Sumqayıt24 bu barədə 5 noyabr tarixində Arb Xəbər-ə istinadən məlumat verir.
Hər gün Sumqayıtdan Bakıya və əks istiqamətə təxminən 35-40 min sərnişin daşınır. Sakinlərin büyük qismi şəhər avtovağzalına deyil, yol kənarlarındakı manatlıq taksilərə üstünlük verir.
“Əvvəllər avtobuslar daha tez-tez çıxırdı. İndi isə marşrutlar arası interval yoxdur. Avtobuslar tam dolduqdan sonra yola çıxır”, - deyə sakinlər bildiriblər.
“Əvvəl bir neçə sərnişindaşıma şirkəti var idi. Onlar da gördülər ki, vəziyyət acınacaqlıdır, nəqliyyat vasitələrini satdılar. Hazırda Sumqayıt avtovağzalından Bakıya sərnişinlər getmir. Problemin həlli üçün daşıyıcı şirkətləri buraya cəlb etmək lazımdır. Bundan sonra qiymətlərlə bağlı vahid tarif müəyyənləşərsə, Sumqayıtdan Bakıya və əks istiqamətə avtovağzala gedən sərnişinlərin sayı arta bilər”, - deyə avtovağzalın rəisi Şamil Abbasov bildirib.
