İqtisadi Zonaların İnkişafı Agentliyinin (İZİA) Peşə Təhsil Mərkəzində ilk dəfə “Məzun günü” keçirilib. Sumqayıt24 bu haqda 24 iyun tarixində xəbər verir.
Tədbirdə tələbələr, onların ailə üzvləri, mərkəzin müəllim və işçi heyəti, eləcə də dövlət və özəl qurumların nümayəndələri iştirak ediblər.
Təhsil ocağının direktoru Kənan Bağırov bütün məzunları, onların valideynlərini, eləcə də müəllim heyətini təbrik edib, onlara ən xoş arzularını çatdırıb.
Bildirilib ki, bu il Peşə Təhsil Mərkəzini 10 ixtisas üzrə 114 tələbə bitirir. Mərkəz tələbələrə daim iş tapmalarında dəstək göstərib, 70%-dən çox tələbə müxtəlif sahələrdə işlə təmin edilib.
Sonda tələbələr rəqs nömrələri nümayiş etdirib, şən mahnılar və şeirlər səsləndiriblər.
