Xızı rayonunun prokuroru Xəyalə Abbasova avtoqəzaya düşüb və xəsarətlərlə Sumqayıt Mərkəzi Xəstəxanasına yerləşdirilib.
Axar.az-ın məlumatına görə, yol nəqliyyat hadisəsi “Niva” və “Toyota Camry” markalı avtomobillərin toqquşması nəticəsində baş verib. Hər iki avtomobilin sürücüsü, o cümlədən “Toyota Camry” markalı avtomobilin içərisində sərnişin qismində olan Xəyalə Aslanova müxtəlif dərəcəli bədən xəsarəti alıb.
O, və digər zərərçəkənlər Sumqayıt Şəhər Xəstəxanasına yerləşdirilib.
Qeyd edək ki, Xəyalə Aslanova 2012-ci ildə müsabiqə yolu ilə prokurorluq orqanlarında işə qəbul olunub. Əvvəllər Binəqədi rayon prokurorluğunda müstəntiq, Bakı şəhər prokurorluğunda şöbə rəisi işləyib.
Daha sonra Baş Prokurorluğun Ədliyyə, Gömrük və Vergilər orqanlarının İstintaq, Təhqiqat və Əməliyyat-axtarış fəaliyyətində qanunların icrasına nəzarət şöbəsində prokuror vəzifəsində çalışıb.
X.Abbasova 2024-cü ilin yanvarında Xızı rayon prokuroru təyin olunub.
