Aktyor Əlibala Əsgərov 69 yaşında dünyasını dəyişib. Sumqayıt24 bu haqda 13 iyun tarixində xəbər verir.
Ə. Əsgərov 28 yanvar 1955-ci ildə Sumqayıtda dünyaya gəlib. Təhsilini Azərbaycan Mədəniyyət və İncəsənət Universitetində alıb. Məzun olduqdan sonra Nəcəf bəy Vəzirov adına Lənkəran Dövlət Dram Teatrında işə başlayıb.
Burada aktyor saysız-hesabsız tamaşalarda müxtəlif xarakterli rollar canlandırıb. Onlardan Sezar (A. Mədətov, “Sezarın qətli”), Dursun (S. Rüstəm, “Durna”), Murtuza (K. Nəzirli, “Şeytan işığı”), Vəli Qulamoviç (Hidayət, “Məni qınamayın”), Fərzəli (Y. Əzimzadə, “Nəsrəddin”), Şaban (M. Məmmədov, “Əcnəbi kürəkən”) və digər obrazlar Əlibala bəyin yaradıcılıq nümunələrindəndir.
Ə. Əsgərov, həmçinin “Durnalar qayıdanda”, “Qəzan mübarək, Paşam”, “Susmuş vicdan”, “Sevginin göz yaşı”, “Əli və Nino”, “Hörümçək toru” kimi bədii və televiziya filmlərində obrazlar yaradıb.
Allah rəhmət eləsin!
