Sumqayıt musiqi məktəbinin şagirdləri incəsənət yarışmasında uğur əldə ediblər. Sumqayıt24 bu barədə 15 noyabr tarixində Regional Mədəniyyət İdarəsinə istinadən xəbər verir.
Qara Qarayev adına 1 nömrəli Uşaq Musiqi Məktəbinin şagirdləri Bakıda Gənclər İttifaqının dəstəyi ilə keçirilmiş “Payız əfsanələri 2022” adlı incəsənət yarışmasında fortepiano ixtisası üzrə bir sıra nəticələr əldə ediblər.
Duet nominasiyasında 3-cü sinif şagirdi Zəhra Kərimova 1-ci; 3-cü sinif şagirdi Səid Vəlizadə, 5-ci sinif şagirdi Aysu Məmmədzadə, 7-ci sinif şagirdi Nəzrin Rüstəmova, 4-cü sinif şagirdi Məryəm Abbasova 2-ci; 2-ci sinif şagirdləri Ceyran Talıblı və Fidan Həsənli 3-cü yerə layiq görülüblər. Səyyarə Tağıyeva və Mədinə Hacıyeva isə Laureat adına layiq görülüblər.
Digər şagirdlərdən Gülayə Allahverdizadə, Aliyə Məmmədli, Atilla Quliyev, Ayla Pənahova, Aylin Dadaşlı fəal iştirakçı diplomları ilə mükafatlandırılıblar.
Şagirdləri müsabiqəyə müəllimləri İradə Bədəlova, Esmira Əliyeva, Sevda Məcidova, Lətafət İbrahimova və Təranə Eminli hazırlayıblar.
