Sumqayıtda sağlamlıq imkanları məhdud uşaqlar üçün yeni loqoped kabineti yaradılıb. Bu haqda Sumqayıt24 28 iyul tarixində SXA-ya istinadən xəbər verir.
Kabinet Sosial Xidmətlər Agentliyinin Abşeron-Xızı Regional Filialının inzibati binasında yaradılıb. Burada ilk olaraq 15 uşaq loqopedik masaj, söz ehtiyatının artırılması, cümlə qurmaq, nitqin anlaması üzrə iş, səslərin korreksiyası və fonematik qavramanın artırılması seanslarına cəlb ediləcək. Sözügedən agentliyin sədri Vüqar Behbudov kabinetdə aparılan proseslərlə yaxından tanış olub.
