Saray körpüsünün yanaşma yollarının genişləndirilməsi davam edir.
Sumqayit24.az-a müraciət edən sürücülər, bildirirlər ki, görülən işlərə görə sutkanın hər bir saatında ərazidə uzun tıxaclar yaranır. Bir avtomobilin Sumqayıtın “daş bazarı” kimi tanınan ərazisindən körpünün digər hissəsinə çatması üçün azı 10-15 dəqiqə lazım olur.
Xatırladaq ki, bir müddət əvvəl Sumqayıt şəhərini Saray qəsəbəsi ilə birləşdirən, qəzalı vəziyyətdə olan 2 hərəkət zolaqlı avtomobil körpüsü (Saray körpüsü) sökülərək, əvəzində 4 hərəkət zolaqlı yeni körpü inşa edilib. Bu proses 3 ay davam edib və 2024-cü ilin dekabrından bu ilin mart ayına qədər Məhəmməd Əsədov küçəsində hərəkət məhdudlaşdırılıb.
Hazırda aparılan genişləndirmə çərçivəsində isə mövcud yolların eni artırılaraq 2 hərəkət zolağından 4 hərəkət zolağına çatdırılacaq.
