Donuzçuluq təsərrüfatı Saray sakinlərini təngə gətirib. Sumqayıt24 bu haqda 24 may tarixində BakuTV-yə istinadən xəbər verir.
Sözügedən təsərrüfat qəsəbənin Canpolad Orucov küçəsində yerləşir. Ətrafı donuzların və kanalizasiyanın iyi bürüyüb. Qoxuya gələn milçəklər isə evlərin pəncərələrini açmağa imkan vermirlər.
“Neçə dəfə xəbərdarlıq etmişik ki, buradan köçün, aparın donuzları. Ancaq bizə qulaq asan olmayıb”, - deyə sakinlər əlavə ediblər.
Saray bələdiyyəsinin əməkdaşları əraziyə baxış keçiriblər, fotolar çəkiblər və müdiriyyətə təqdim edəcəklərini bildiriblər:
“Müdir də gəlib baxış keçirəcək, tədbir görüləcək”.
Saray qəsəbə icra nümayəndəsinin müavini Rəşad Əsədovun sözlərinə görə, məsələ ilə bağlı müvafiq qurumlara məlumat verilib.
