Saray qəsəbəsində qardaşı arvadını qətlə yetirməkdə təqsirləndirilən Pərviz Məlikovun cinayət işi üzrə məhkəmə prosesi başa çatıb.
İttihama görə, hadisə mülk üstündə baş verib. Belə ki, Pərviz Məlikov atasından qalan mülkündə qardaşı Əmrulla Məlikovla yaşayıb. Pərviz başqa yerdə ev tiksə də, ata evindən də əmlak payı olub. O, qardaşı ilə mülkü bölmək istəsə də, qardaşı və onun həyat yoldaşı Əminə Payızova buna etiraz ediblər. Ə.Məlikov və həyat yoldaşı Əminə Pərvizə ata mülkündən pay verməyiblər. Nəticədə tərəflər arasında mübahisə yaranıb və Pərviz evə gələrək Əminəni çoxsaylı bıçaq zərbələri ilə qətlə yetirib.
Polis əməkdaşlarının keçirdikləri tədbirlərlə P.Məlikov saxlanılıb.
Faktla bağlı cinayət işi başlanılıb.
Sumqayıt Ağır Cinayətlər Məhkəməsində ona hökm oxunub. Qərara əsasən P.Məlikov 17 il azadlıqdan məhrum edilib.
Mənbə: Oxu.az
