Sumqayıt Dövlət Universitetində (SDU) “Açıq qapı” günləri davam edir. Bu haqda 19 aprel tarixində Sumqayıt24 xəbər verir.
Abşeron–Xızı Regional Təhsil İdarəsinin təşəbbüsü ilə təşkil edilmiş orta məktəblərin yuxarı sinif şagirdlərinin universitetlə tanışlığı davam edir.
Ekskursiya universitet və orta məktəblər arasında əməkdaşlıq əlaqələrinin inkişaf etdirilməsi, bu işin metodika və metodologiyasının təkmilləşdirilməsi, bütövlükdə təhsilin, xüsusilə də pedaqoji təhsilin keyfiyyətinin yüksəldilməsi üçün birgə səmərəli fəaliyyətə öz müsbət təsirini göstərir.
SDU-nun Sosial məsələlər və ictimaiyyətlə əlaqələr üzrə prorektoru dosent Elmar Xəlilov qonaqlara universitet, onun perspektivləri və üstünlükləri haqqında ətraflı məlumat verib.
Yekunda şagirdlər də universitetdə olmaqdan məmnunluqlarını ifadə edərək, görüşə görə universitet rəhbərliyinə və təşəbbüskarlara minnətdarlıqlarını bildiriblər.
