Sumqayıt Dövlət Universiteti (SDU) faciəvi şəkildə ölən tələbəsi ilə bağlı paylaşım edib.
Sumqayit24.az xəbər verir ki, paylaşımda deyilir:
"Sumqayıt Dövlət Universiteti dərin hüznlə bildirir ki, Riyaziyyat fakültəsinin IV kurs, 442B qrup tələbəsi Kəmalə Əbilova faciəvi şəkildə dünyasını dəyişib.
Hadisə oktyabrın 27-də səhər saatlarında Şəfəq qəsəbəsində baş verib. Tələbəmiz yaşadığı çoxmərtəbəli binadakı mənzilin eyvanından yıxılaraq həyatını itirib.
Kəmalə Əbilova təhsil aldığı müddətdə universitetdə fəallığı, səmimiyyəti və nümunəvi davranışı ilə müəllimlərinin və tələbə yoldaşlarının rəğbətini qazanıb. Onun vaxtsız itkisi universitet ictimaiyyəti üçün dərin kədər hissi doğurur.
Sumqayıt Dövlət Universitetinin rəhbərliyi, professor-müəllim və tələbə heyəti Kəmalənin valideynlərinə, doğmalarına, yaxınlarına və dostlarına dərin hüznlə başsağlığı verir, bu ağır itkinin kədərini onlarla bölüşür, Tanrıdan onlara səbr diləyir".
