Sumqayıt Dövlət Universitetinin nümayəndələri “Avropada təhsil” adlı sərgi-yarmarkaya qatılıblar. Bu barədə 4 oktyabr tarixində Sdu.edu.az-a istinadən xəbər veririk.
Tədbir Fransanın Ali Təhsilin Təşviqi üzrə milli Agentliyi olan “Campus France” tərəfindən Avropa İttifaqının Azərbaycandakı Nümayəndəliyinin təşkilatçılığı ilə keçirilib. Məqsəd yerli və xarici universitetlər arasında əməkdaşlıq üçün şərait yaratmaqdır.
Qeyd edək ki, sərgidə Sumqayıt Dövlət Universitetinin Beynəlxalq əməkdaşlıq və əcnəbi tələbələr şöbəsinin müdiri Sədaqət Fətullayeva, şöbənin baş metodisti Aysel Eminova və bir qrup tələbə heyəti iştirak ediblər.
