Sumqayıt Dövlət Universitetinin (SDU) tələbələri Ümumrespublika Olimpiadasında final mərhələsinə vəsiqə qazanıblar. Sumqayıt24 bu haqda 18 may tarixində xəbər verir.
Ulu öndər Heydər Əliyevin xatirəsinə həsr olunmuş “Vergilər” mövzusunda olimpiada ali təhsil müəssisələrinin tələbələri arasında təşkil olunub. Yarışın birinci mərhələsində ölkənin 22 universitetindən 492 tələbə iştirak edib.
SDU-nun İqtisadiyyat və idarəetmə fakültəsinin tələbələri Səbinə Mehrəliyeva, Aqil Nağıyev, Fidan Rəhmanova, Esmira Əmiraslanova və Miridə İsmayılova 50 baldan yuxarı nəticə göstərərək final mərhələsinə vəsiqə qazanıblar. Seçim turunda uğur qazanan namizədlər iyun ayında Şamaxı rayonunda yerləşən Tədris Mərkəzinə səfər edəcək və orada final mərhələsində yarışacaqlar.
