Sumqayıt şəhər Təbiət Elmləri Təmayüllü Gimnaziyanın 11B sinfində təhsil alan Eyyubova Mələk Şaiq qızı da bu il universitetə qəbul olanlar siyahısındadır.
Məlumata görə, M.Eyyubova 630 balla UNEC-in İnformasiya Texnologiyaları fakültəsinə daxil olub.
O, Xocalı şəhidi Eyyubova Mələk Əli qızının qardaşı qızıdır. Qardaşı ona şəhid bacısının adını verib.
Qeyd edək ki, Eyyubova Mələk Əli qızı 1992-ci il 26 fevralda körpəsi Natəvanla birlikdə Xocalı cəlladları tərəfindən amansızlıqla öldürülüb.
O və digər şəxslər zirzəmidə olarkən ermənilər onları Xankəndiyə aparmaq üçün toplayıb. Mələk erməninin üzünə tüpürərək qaçmağa çalışıb. Bu zaman ermənilər ona çoxsaylı atəş açaraq öldürürlər. O, son nəfəsində "əsir düşməkdənsə, ölüm yaxşıdır" deyib.
Mənbə: Unikal.az
