Sumqayıtda lisey məzunu olan şəhid övladı tələbə adını qazanıb.
Bu barədə Sumqayit24.az-a onun yaxınları məlumat veriblər.
Bildirilib ki, şəhid Elnur Əliyevin oğlu Elxan Əlizadə Milli Aviasiya Akademiyasına qəbul olub.
Elxan Əlizadə Sumqayıt şəhər Texniki və Təbiət Elmləri Liseyinin məzunudur.
Məlumat üçün bildirək ki, şəhid Elnur Əliyev 16 avqust 1976-cı ildə Füzuli rayonunda anadan olub. Ailəli idi. İki övladı yadigar qalıb və ailəsi 2015-ci ildən Sumqayıtda yaşamağa başlayıb.
Mayor Elnur Əliyev 2016-cı ilin aprel ayında Azərbaycan-Ermənistan təmas xəttində baş verən döyüşlər zamanı digər hərbçiləri qorumaq məqsədilə qumbaranın üzərinə atılaraq qəhrəmancasına şəhid olub.
O, Azərbaycan Respublikasının Prezidenti İlham Əliyevin sərəncamı ilə III dərəcəli "Vətənə xidmətə görə" ordeni ilə təltif edilib.
