Sumqayıt şəhəri, 12-ci mikrorayon, 28-ci binada yaşayan sakinlər ciddi problemlə üzləşiblər.
Vətəndaşlar Sumqayit24.az-a bildiriblər ki, binanın bloklarından biri uzun müddətdir zibillə dolub. Məsul qurum nəinki zibili, hətta siçovul ölüsünü də ərazidən yığışdırmayıb.
Sakinlərin sözlərinə görə, problem günlərdir davam edir. Bu vəziyyət həm sağlamlıq, həm də sanitar-gigiyena baxımından ciddi narahatlıq doğurur.
Şikayətçilər aidiyyəti qurumlardan vəziyyətin dərhal həll olunmasını və binanın təmizlənməsini tələb edirlər.
