Siyəzəndə ağır yol qəzası baş verib. Bu haqda 17 fevral tarixində Sumqayıt24 Report.az-a istinadən xəbər verir.
Hadisə səhər saat 7:40 radələrində rayonun Beşdam kəndində qeydə alınıb. Hərəkətdə olan "Mercedes Vito" markalı mikroavtobus idarəetməni itirərək "Opel" markalı avtomobillə toqquşub.
Qəza nəticəsində - Sumqayıt şəhər sakini, 39 yaşlı Aygün Vəliyeva, Bakı şəhər sakini Aygün İsmayılova, Siyəzən şəhər sakini Qənimət Hümbətova dünyalarını dəyişiblər; 30 yaşlı Çinarə Xəlilova, 26 yaşlı İftixar Hümbətov, 27 yaşlı Səbinə Abbasova, 31 yaşlı Səbinə Rəsulova, 24 yaşlı Kənan İmanov, 39 yaşlı Vüqar Abdullayev və 45 yaşlı Xanım Mustafayeva isə müxtəlif dərəcəli bədən xəsarətləri alıblar. Yaralılar Siyəzən Regional Diaqnostika Mərkəzinə yerləşdiriliblər.
Avtoqəzada ölən və yaralanan şəxslərin Bakı və Sumqayıt səhərlərindən Siyəzən kəndlərində dərs demək üçün gələn müəllimlər olduqları bildirilir.
