Yenilənib saat 16:35
Hadisə “LOVE Palace” şadlıq sarayında qəydə alınıb. Bu barədə Baş Prokurorluq məlumat yayıb.
Prokurorluq tərəfdən aparılmış araşdırma zamanı məlum olub ki, Adəm Əzimzadə dostu ilə sarayın 2-ci mərtəbəsində görüşməli idi. Burada olan zaman yükqaldırıcı vasitənin aşağıda olmasını bilməyərək şaxtadan yerə yıxılıb. O, aldığı xəsarətlərdən dünyasını dəyişib.
Saat 11:00
Sumqayıtda Nəriman Nərimanov küçəsində fəaliyyət göstərən şadlıq sarayında 18 yaşlı gənc yıxılaraq ölüb. Bu barədə bu gün, 10 noyabr tarixində APA məlumat yayıb.
Şadlıq sarayında çalışan 18 yaşlı Adəm Əzimzadə yükqaldırıcı vasitədən yıxılıb. Hadisə yerinə cəlb olunan təcili tibbi yardım ağır bədən xəsarətləri alan gənci xəstəxanaya apararkən, o yolda keçinib. Meyit aidiyyəti üzrə təhvil verilib.
Faktla bağlı araşdırma aparılır.
Qeyd edək ki, şadlıq sarayının yuxarı mərtəbəsinin mətbəx yerləşən hissəsindən yükqaldırıcı vasitə ilə ərzaq qaldırılırdı.
