Sumqayıt Dövlət Dram Teatrının baş rejissoru Firudin Məhərrəmov bildirib ki, formadan düşməmək üçün bütün pandemiya dövrü məşqləri davam etdiriblər. Bu haqda Məhərrəmov Kaspi qəzetinə danışıb.
"Oktyabrın 16-da Sumqayıt Dövlət Dram Teatrında yeni mövsümün açılışı oldu. Teatrlar bağlanmamışdan planlaşdırdığımız tamaşanı – "Uşaqlıq" tamaşasını səhnəyə qoyduq. Həmçinin, 44 günlük müharibəyə həsr olunmuş "Missiya" adlı tamaşanı Noyabrın 6-da onu da səhnələşdirdik. Düşünürəm ki, çox gözəl də tamaşa alınıb”- rejissor deyib.
“Məni ən çox sevindirən bu oldu ki, nəzərdə tutulmuş saydan daha çox tamaşaçı axını gördük. Hətta yer olmadığına görə məyus olub gedənlər də çox oldu. Biz onları digər tamaşalarımıza gəlməyə dəvət etdik. İnanın ki, aktyorların da, tamaşaçıların da səhnə üçün darıxdıqları aşkar hiss olunurdu”,- teatrşünas Vidadi Qafarov bildirib.
Qeyd edək ki, düz il yarımdan sonra teatrların açılmasına ümumi tutumun 50 faizdən çox olmaması şərtilə icazə verilib. Tamaşaya gələn vətəndaşın isə mütləq COVID-19 pasportu və ya COVID-19 infeksiyası əleyhinə peyvəndə əks göstəriş sertifikatı olmalıdır.
