Bu gün, 26 noyabr tarixində Sumqayıt Dövlət Universitetində Nizami Gəncəvinin yubileyinə həsr olunmuş tədbir keçirildi. "Nizamidən zərif izlər" adlı baxış-müsabiqəsi Böyük Akt zalında keçirildi. Bu haqda SDU-nin səhfəsində məlumat paylaşılıb.
Müsabiqədə SDU və SDU-nun nəzdində Sumqayıt Dövlət Texniki Kollecinin tələbələri iştirak etdilər. Münsif - heyəti qismində isə tanınmış rəssamlar - Sumqayıt Dövlət Dram teatrının quruluşçu rəssamı Nizami Dadaşov, Sumqayıt şəhər 1 nömrəli UGİM - in rəssamları Murad Kərimov, Rəşidə Bağırova və Xeyransa Cəlilli qatıldılar.
Rəssamlar 10 ballıq sistem üzrə gizli səsvermə yolu ilə tələbələrin rəsm əsərlərini qiymətləndirdilər. Nəticədə, I yerə Türkan Seyfullayeva, II yerə Malak Bairamova, III yerə isə Nilufər Əliyeva və Elxan Qəmbərov layiq görüldülər.
