Sumqayıt Dövlət Universitetinin (SDU) əməkdaşları "Distant təhsildə çağırışlar və nailiyyətlər" adlı konfransda iştirak ediblər. Bu haqda SDU-nin rəsmi saytında məlumat paylaşılıb.
Təhsil naziri Emin Əmrullayevin də çıxış etdiyi konfrans - Təhsil İnstitutunun (ARTİ) təşkilatçılığı, ADA Universitetinin və "T-Network" təhsil işçilərinin təcrübə və kommunikasiya platformasının tərəfdaşlığı, Təhsil Nazirliyinin dəstəyi ilə keçirilib.
Açılış sessiyasında çıxış edən Əmrullayev bildirib ki, distant təhsilin tətbiqi zamanı nəzəriyyədən praktikaya keçid dövründə ortaya müəyyən məsələlər çıxıb, lakin onların həlli üçün bir sıra uğurlu addımlar atılıb.
ARTİ-nun direktoru Rüfət Əzizov öz çıxışında əyani təhsildən distanta keçid, bəzi dövrlədə isə hibrid təhsilin təşkili barədə danışıb. Daha sonra isə, ADA Universitetinin Akademik işlər üzrə prorektoru Vəfa Kazdal və “T-Network”un tədqiqat və inkişaf üzrə baş mütəxəssisi Qoşqar Məhərrəmov iştirakçılar ilə öz fikirlərini bölüşüblər.
Qeyd edək ki, konfransa 350-dən çox iştirakçı qatılmışdır.
