Sumqayıtda avtobuslarda validatorların işləməməsi külli miqdarda ziyana səbəb olub. Bu haqda "Sumqayıt Nəqliyyat-1" MMC-dən Xeberle.com-a bildirilib.
Məlumata görə, həmin validatorlar pul ilə alınıb və Rusiyanın şirkətlərinin biri tərəfindən quraşdırılıb. Sözügedən şirkət aylıq ümumi gəlirin 3,5 faizini götürürdü. Hazırda ödəniş terminallarını quraşdıran firma ilə təzminat barədə danışıqlar gedir.
Xatırladaq ki, kartlarla ödəniş üsulu bir neçə gün bundan əvvəl müvəqqəti dayandırılıb. Buna səbəb isə terminalların nasaz işləmələridir. Bu problemin aradan qaldırılması üçün yeni validator aparatları sifariş verilib. Əlavə olaraq android validatorlar da quraşdırıla bilər.
