Sumqayıtda narkotik vasitələrin qanunsuz dövriyyəsi ilə məşğul olan daha 2 narkotacir saxlanılıb. Bu barədə bu gün, 20 oktyabr tarixində APA məlumat yayıb.
Məlumata əsasən, 28 yaşlı Tural Fərzəliyev Sumqayıtın 5-ci mikrorayonunda saxlanılan zaman onun üzərində 0,4 qram heroin aşkar olunub. Aparılmış araşdırma nəticəsində məlum olub ki, dünən saxlanılan 23 yaşlı Xanlar Şəvəqqətov davamlı olaraq Turala narkotik vasitələr satırdı. Saxlanılan zaman Şəvəqqətovun üzərindən 4 bükümdə heroin aşkar edilib.
Həmçinin, Şəvəqqətova narkotikləri satan şəxsdə yaxalandı. 28 yaşlı Neymət Qayıbovun üzərində 5 qram heroin, 8 bükümdə metamfetamin və mənzilində isə 197 qram heroin aşkar edilərək müsadirə olunub.
Faktlarla bağlı araşdırmalar aparılır.
