Bakıda avtomobilləri qaçıran Sumqayıt şəhər sakininin məhkəməsi baş tutub. Bu barədə Qafqazinfo.az bu gün, 19 oktyabr tarixinində məlumat yayıb.
35 yaşlı A.Q-nın birinci oğurladığı BMW markalı avtomobil olub. Maşını Bakıda sürdükdən sonra, onu Azadlıq prospektində tərk edib. Bundan sonra ikinci dəfə "Volkswagen Jetta" markalı avtomobili sahibsiz və işlək vəziyyətdə görən A.Q, onu qaçırmaq fikrinə düşüb. Avtomobili qaçırıb, sürdükdən sonra Dövlət Sirki binasının yaxınlığında qabaq sağ təkərinin boşaldığını görüb, avtomobili saxlayıb və tərk edib.
Qaçırılan avtomobillərin sahibləri onlara hər hansı zərər vurulmadığına görə, təqsirləndirilən şəxsə qarşı şikayətləri olmadığını bildiriblər.
Məhkəmə A.Q-yə 18 ay 20 gün müddətində azadlığın məhdudlaşdırılması cəzası təyin edib. O, elektron nəzarət vasitəsini gəzdirməli, yaşayış yerini axşam saat 23:00-dan səhər saat 07:00-dək və yaşadığı Sumqayıt şəhərinin hüdudlarını tərk etməməlidir.
