Sumqayıt sakinləri Oğuzda qəzaya düşüblər. Onların olduğu minik avtomobili elektrik dirəyə çırpılıb. Bu haqda Sumqayıt24 APA-ya istinadən xəbər verir.
Hadisə rayonun Muxas kəndində baş verib. Belə ki, "Skoda" markalı avtomobilin sürücüsü idarəetməni itirib və maşın dirəyə çırpılıb. Nəticədə, iki sumqayıtlı sərnişin Aygün Alməmmədova və Rüfanə Alməmmədova aldıqları xəsarətlər səbəbindən Şəki Rayon Mərkəzi Xəstəxanasına çatdırılıblar.
Yaralıların vəziyyətinin orta-ağır olduğu bildirilir.
Faktla bağlı araşdırma aparılır.
Qəzadan sonra kəndə elektrik enerjisinin verilməsində fasilə yaranıb. Hazırda paylayıcı elektrik şəbəkəsinin əməkdaşları qəzanın aradan qaldırılması istiqamətində işlər aparırlar.
