Bakı-Sumqayıt yolunda qəza baş verib. Bu barədə bu gün, 22 noyabr tarixində Oxu.Az məlumat verib.
Məlumata əsasən, yük avtomobili Yol Patrul Xidmətinin xidməti avtomobilinə çırpılıb. Qəza nəticəsində xəsarət alan olmayıb.
Polis polkovnik-leytenantı Namidan Piriyevin sözlərinə görə, yol-nəqliyyat hadisəsi Bakı-Quba yolunun 15-ci kilometrliyində qeydə alınıb. “Tatra” markalı yük avtomobili dayanmış vəziyyətdə olan YPX avtomobilinə çırpılıb. Nəticədə YPX avtomobili yol kənarındakı dəmir arakəsmələrə çırpılıb. Sürücünün sözlərinə görə, qəzaya səbəb maşının əyləc sisteminin işləməməsi olub.
