Sumqayıtda artıq bütün təhsil müəssisələri istiliklə təmin ediliblər. Bu haqda DünyaTV xəbər yayıb.
Şəhərdə faəliyyət göstərən 17 nömrəli orta məktəbin direktoru Rəna Rufullayeva bildirib ki, artıq noyabr ayının 15-dən məktəb binası istiliklə tam təmin olunub. O, qeyd edib ki sinif otaqlarında tez-tez radiatorların vəziyyəti yoxlanılır və istiliyin dayandırılmaması üçün tədbirlər görülür.
2 nömrəli məktəbdə də həmçinin eyni tarixdən etibarən istilik sistemi işə salınıb. Sıradan çıxmış radiatorlar təmir edilib, istilik xəttləri isə yenilənib.
Sonda Təhsil Şöbəsinin müdiri Arzu Alızadə bildirib ki, şəhərdə yalnız 23 nömrəli məktəbdə əsaslı təmir işləri aparıldığı üçün burada istiliyin verilməsi müvəqqəti dayandırılıb.
