Sumqayıtda "Bəyaz saray” şadlıq sarayı karantin qaydalarını pozduğuna görə cərimələnib. Bu haqda bu gün, 23 noyabr tarixində Xeberle.com məlumat yayıb.
Şəhərin 10-cu mikrorayonunda yerləşən şadlıq sarayında keçirilən toy mərasimində gələn qonaqların "Covid 19" pasportı olmaması müəyyən edilib. Restoranın müdiri İsmayılov Abiş Əbiş oğlu 4000 manat məbləğində cərimə olunub.
Sumqayıt şəhəri ərazisində karantin qaydalarına əməl olunmasına ictimai nəqliyyatda, şadlıq evləri və digər qapalı məkanlarda profilaktik tədbirlər mütəmadi olaraq həyata keçiriləcək.
