Sumqayıtın apteklərində qiymətlərin artması ilə bağlı Milli Məclisin üzvü açıqlama verib. Bu haqda Baku Tv xəbər yayıb.
Şəhərdə bəzi dərmanların qiymətində bir neçə həftə öncəyə nisbətən süni artım müşahidə olunur. Milli Məclisin səhiyyə komitəsinin üzvü millət vəkili Müşfiq Məmmədli bu problemi istehsalçı ölkələrdə qiymətin artımı ilə əlaqələndirib.
“Həmçinin, dərman preparatlarını həmin ölkələrdən gətirmək üçün daşınma xərcləri də çıxır. Qiymət artımının səbəblərindən biri də budur”,- Məmmədli əlavə edib.
Sonda isə o, qiymətlərin kəskin şəkildə qaldırılması ilə bağlı Milli Məclisdə müzakirələrin aparılacağını və ciddi tədbirlərin görüləcəyini vurğulayıb.
