Sumqayıt şəhəri Heydər Əliyev parkında Bayraq Gününə həsr olunmuş "Zəfər Gülləri" adlı fləşmob keçirilib. Bu barədə bu gün, 9 noyabr tarixində Sumqayıt Şəhər Təhsil Şöbəsi məlumat yayıb.
Fləşmobda 32 metrlik uzunluğu olan bayraq ilə məktəblilər yürüş ediblər. Tədbirdə 29 nömrəli məktəblə yanaşı, 21, 31, 35 nömrəli məktəblər, Təfəkkür liseyi, həmçinin Bakı, Şuşa, Şəki şəhər və Ucar, Kürdəmir, Şabran rayonlarının müəllim və şagirdləri iştirak ediblər.
Sumqayıt şəhər İcra Hakimiyyəti, Sumqayıt şəhər Təhsil Şöbəsi, Azərpoçt MMC-nin Sumqayıt Poçt Filialının təşkilatçılığı, layihənin rəhbəri 29 nömrəli tam orta məktəbin Azərbaycan dili və ədəbiyyat müəllimi Xəyalə Quliyevanın təşəbbüsü ilə "Zəfər Gülləri" adlı fləşmob təşkil edilib.
