30-31 oktyabr tarixlərində Sumqayıt Dövlət Dram Teatrında "I Sumqayıt Kitab Sərgisi" (ANİB-2021) keçiriləcək. Bu haqda Azərbaycan Nəşriyyatları İctimai Birliyinin(ANİB) rəsmi Facebook səhifəsində məlumat paylaşılıb.
ANİB-nin təşkil etdiyi sərgidə ölkənin 20-dən artıq tanınmış nəşriyyatı iştirak edəcək. Orada bütün kitablara 50%-dək endirim tətbiq olunacaq. Həmçinin, məşhur şair və yazıçıların da iştirakı ilə imza günləri, təqdimatlar və şeir gecələrinin keçirilməsi gözlənilir.
Saat 10:00-dan 19:00-dək davam edəcək sərgiyə giriş sərbəstdir.
25 oktyabr, 09:12
Sərginin keçiriləcəyi yer dəyişdirildi. Belə ki, sərgi Kimyaçılar Mədəniyyət Sarayında baş tutacaq
