Sumqayıtın məhəllə və küçələrində küçə ticarətinə qarşı reydlər keçirilib. Bu haqda DünyaTV reportaj hazırlayıb.
İcra Hakimiyyətinin əməkdaşları və polis tərəfindən təşkil edilən yoxlamalar şəhərin mərkəzi prospektlərindən olan Heydər Əliyev prospektində (1 nömrəli xəstəxananın yaxınlığında), həmçinin 34-ü məhəllənin 20 yanvar küçəsinə düşən hissəsində aparılıb.
Burada, piyada səkilərində meyvə - tərəvəz, məişət malları və digər əşyalar satan şəxslərə xəbərdarlıq edilib. Həmin mallar piyadaların hərəkətində müəyyən maneələr yaratdığı üçün yığışdırılıb.
Xatırladaq ki, 17-ci mikrorayon ərazisində inşaat materialları və taxtalarla bağlanan səki təmizlənmişdir.
