Sumqayıtda mövsümü güllərin əkimi davam edir. Bu haqda Dünya TV-ya istinadən xəbər veririk.
Mənzil-Kommunal Təsərrüfatı İstehsalat Birliyinin Yaşıllaşdırma İdarəsi tərəfindən şəhərin Azərbaycan və Heydər Əliyev prospektlərində, eləcə də Sülh və Bakı küçələrində 10.000 xrizantema və yüz minlərlə müxtəlif növ mövsümü güllər əkilib.
2021-ci ilin əvvəlindən etibarən şəhər ərazisində ümümilikdə 1,5 milyondan çox mövsümü və çoxillik bitkilər əkilib. Mövsümlə əlaqədar ağacəkmə işlərinə də başlanılıb.
Şəhərin Sülh və Sərvər Bədəlbəyli küçələrində və digər ərazilərdə zeytun və sərvə ağacları əkilib.
İşlər bundan sonra da davam etdiriləcək.
