Sumqayıtlı şagirdlər "STEAM" Azərbaycan Festivalının (SAF) final mərhələsinə vəsiqə qazanıblar. Bu haqda şəhər Təhsil Şöbəsinin rəsmi saytında məlumat verilib.
Məlumata görə, İstedad Liseyinin və 29 nömrəli tam orta məktəbin 6-cı sinif şagirdləri Eldar Həmidov və Ceyran Bayramlının birgə hazırladığı "Xəzər dənizini tullantılardan təmizləyən EkoRobot", həmçinin Təfəkkür liseyinin 11-ci sinif şagirdlərinin - Rəvan Ağazadə və Səid Yusiflinin birgə hazırladığı "Chrome Dinosaur" adlı layihəsi adıçəkilən festivalın final turunda iştirak etmək hüququ qazanıb.
Qeyd edək ki, SAF Təhsil Nazirliyinin dəstəyi ilə ilk dəfə olaraq 9-10 dekabr tarixlərində "Baku Expo" Mərkəzində keçiriləcək.
