Sumqayıt Şəhər Bələdiyyəsində kadr dəyişikliyi baş tutub.
İqtisadiyyat.az-ın məlumatına görə, cari ilin yanvar ayında formalaşan Sumqayıt Şəhər Bələdiyyəsinin sədri dəyişib. Orxan Adıgözəlzadə öz ərizəsi ilə Bələdiyyə sədrliyindən çıxıb. O, fəaliyyətini Bələdiyyə sədrinin müavini vəzifəsində davam etdirəcək. Sumqayıtın yeni Bələdiyyə sədri isə Adil Xudadatov seçilib.
Qeyd edək ki, Orxan Adıgözəlzadə 44 günlük Vətən müharibəsi iştirakçısıdır. O, “Şuşanın azad olunmasına görə”, “Xocavəndin azad olunmasına görə”, “Füzulinin azad olunmasına görə”, “Zəfər” və “Vətən müharibəsi iştirakçısı” medalları ilə təltif edilib.
Adil Xudadatov isə daha əvvəllər Sumqayıt Şəhər İcra Hakimiyyətinin Memarlıq və Tikinti Şöbəsinin müdiri vəzifəsində çalışıb.
