Sumqayıt Şəhər İcra Hakimiyyətinin başçısı “Karvan” Ticarət Mərkəzində olub.
Sumqayit24.az xəbər verir ki, Zakir Fərəcov burada məhsulların qiymətləri və keyfiyyəti ilə maraqlanıb. İcra başçısı yarmarkada süni qiymət artımının qarşısının alınması və qiymətlərin tənzimlənməsi, satışa çıxarılan məhsulların satış qiymətinə gün ərzində nəzarət olunması üçün müvafiq strukturların rəhbərlərinə tapşırıqlar verib.
Qeyd edək ki, Sumqayıt şəhərində Novruz bayramı münasibətilə hazırlıq işləri aparılır. Bayram günlərində əhalinin rahatlığının təmin olunması, bazarlarda və ticarət mərkəzlərində süni qiymət artımının qarşısının alınması məqsədilə nəzarət tədbirləri gücləndirilib.
