Sumqayıt Dövlət Universitetində Mentor İşçi Qrupuna təlim keçirilb. Sumqayıt24 bu haqda 8 iyul tarixində xəbər verir.
Görüşün məqsədi Elmi hissədə Elmi İstinad Data Bazalarında SDU-nun alim və tədqiqatçılarının, o cümlədən universitetin profilinin yaradılmasıdır. Elmi hissənin müdiri, dosent Samir Orucov “Web of Science and Scopus” beynəlxalq məlumat bazalarında fərdi profilin yaradılması, “Author ID and Reseucher ID” tədqiqatçıların rəqəmsal identifikasiya kodlarının alınması qaydalarını bu məqsədlə yaradılmış İşçi qrupun üzvlərinin nəzərinə çatdırıb.
Təlim zamanı dosent Samir Orucov identifikasiya kodlarının alınmasının universitetimizin Beynəlxalq reytinqlərdə qaneedici yer tutması üçün əhəmiyyətindən danışıb, verilən sualları cavablandırıb.
Təlim iştirakçılarına bildirilib ki, əldə etdikləri məlumatları çalışdıqları fakültə əməkdaşlarının nəzərinə çatdırmalı və onların qeydiyyatdan keçmələrinə dəstək olmalıdırlar.
İşçi qrupun növbəti təlimi iyulun 10-na planlaşdırılıb.
