5 yaşından Sumqayıtda yaşayan, "Qızıl qələm" mükafatına layiq görülmüş Eyruz Məmmədovun doğum günüdür. O, 69 il bundan əvvəl 13 yanvar tarixində Bakı şəhərində anadan olub.
Əməkdar jurnalist olan Məmmədov Sumqayıt şəhəri 12 nömrəli məktəbi bitirib. Ali təhsilini isə Azərbaycan Dövlət Universitetində (Bakı Dövlət Universiteti) alıb. İxtisasca jurnalist-filoloqdur. “Həsən bəy Zərdabi” adına və "Araz" ali ədəbi mükafatlarının sahibidir.
Görkəmli jurnalist Eyruz Məmmədov "Sumqayıtın əks-sədası" tammetrajlı, "Sumqayıtın əks-sədası-2" sənədli filmlərinin, "Sumqayıtım mənim", "28-dən 29-na keçən gecə", "2-ci paralel", "Bir, iki, üç… və yaxud Dağ çiçəyi", "Anata", "Gecə… İncə gecə", "Mister Riç"[2] və s. kitabların müəllifidir.
Qeyd edək ki, o, Sumqayıtda 1988-ci ildə baş vermiş hadisələrdən sonra ömrünü ekspert kimi bu olayların araşdırılmasına həsr edib.
